ఘుమఘుమలాడే "వంకాయ పచ్చడి" - ఇంట్లో తక్కువ టైంలో | స్పైసీ వంకాయ టమాటా చట్నీ తయారీ విధానం -SPICY VANKAYA PACHADI

  వేడి అన్నంలోకి ఒక గుత్తి నెయ్యితో పాటు ఈ వంకాయ పచ్చడి వేసుకుంటే, ఆ రుచి ఎన్నటికీ మరిచిపోలేరు! కూరలకి బదులుగా ఇలా పచ్చడి రూపంలో వంకాయలు ట్రై చేయండి – చాలా టేస్టీగా ఉంటుంది.

అది కూడా టమాటాలు వేసి. అద్భుతంగా ఉంటుంది. వేడివేడి అన్నంలోకి ఈ పచ్చడి వేసుకుని తింటే రుచిని జన్మలో మర్చిపోలేరు. తయారు చేయడం కూడా సులువే. మరి లేట్​ చేయకుండా వంకాయ పచ్చడి ఎలా చేయాలో చూసేయండి.

కావాల్సిన పదార్థాలు:

టమాటాలు - 3

పచ్చిమిర్చి - 15

వంకాయలు - అర కిలో

నూనె - 4 టేబుల్​స్పూన్లు

ధనియాలు - 2 టీస్పూన్లు

జీలకర్ర - 2 టీస్పూన్లు

ఉప్పు - రుచికి సరిపడా

కొత్తిమీర - గుప్పెడు

పసుపు - పావు టీస్పూన్​

తాలింపు కోసం:

నూనె - 2 టేబుల్​స్పూన్లు

జీలకర్ర - అర టీస్పూన్​

ఆవాలు - అర టీస్పూన్​

దంచిన వెల్లుల్లి రెబ్బలు - 10

ఎండుమిర్చి - 3

కరివేపాకు - 2 రెమ్మలు

తయారీ విధానం:

టమాటాలను శుభ్రంగా కడిగి మీడియం సైజ్​లో ముక్కలుగా కట్​ చేసుకోవాలి. అలాగే వంకాయల్లో పుచ్చులు ఉంటే తీసేసి రౌండ్​ లేదా పొడుగ్గా కట్​ చేసుకుని పక్కన ఉంచాలి.రౌండ్ గా ఉంటే ఇంకా మంచిది.

స్టవ్​ ఆన్​ చేసి పాన్​ పెట్టి 2 టేబుల్​స్పూన్ల నూనె వేసుకోవాలి. కాగిన నూనెలో ధనియాలు, జీలకర్ర వేసి వేయించాలి.

ఇవి కాస్త వేగిన తర్వాత పచ్చిమిర్చి వేసి ఓ రెండు నిమిషాలు మగ్గించాలి. అనంతరం టమాటా ముక్కలు వేసి కలిపి మంటను మీడియం ఫ్లేమ్​లో పెట్టి ఉడికించుకోవాలి.

అనంతరం ఫ్రై చేసిన వంకాయ ముక్కలు వేసి బరకగా గ్రైండ్​ చేసుకోవాలి. ఈ స్టేజ్​లో ఉప్పు సరిపోయిందో లేదో చూసుకోవాలి.

తాలింపు కోసం స్టవ్​ ఆన్​ చేసి పాన్​ పెట్టి నూనె పోసుకోవాలి. ఆయిల్​ కాగిన తర్వాత ఆవాలు, జీలకర్ర వేసి చిటపటలాడించాలి.

ఇవి వేగిన తర్వాత కచ్చాపచ్చాగా దంచిన వెల్లుల్లి రెబ్బలు, ఎండుమిర్చి, కరివేపాకు వేసి వేయించాలి.

చివరగా గ్రైండ్​ చేసిన టమాటా వంకాయ మిశ్రమం వేసి అంతా కలిసేలా మిక్స్​ చేసుకుని స్టవ్​ ఆఫ్​ చేసుకుంటే సరి. ఎంతో టేస్టీగా ఉండే వంకాయ పచ్చడి రెడి.

M.Renuka

👉Dragon Fruit Benefits: 10 Reasons to Eat This Superfruit Daily